जागतिक महिला दिन ८ मार्च ,फलक लेखन,रेखाटन-देव हिरे.

◼️ *फलक लेखन, रेखाटन*

दि. ८ मार्च २०२०. *जागतिक महिला दिन*

'जागर स्त्री शक्तीचा ,जागर स्त्री कर्तृत्वाचा'

*सन्मान समस्त महिलांचा.*

   आज ८ मार्च हा दिवस संपूर्ण जगात तसेच भारतात *'महिला दिन'* म्हणून साजरा केला जातो. जगात ज्या ज्या क्षेत्रात महिलांना संधी मिळाली त्या त्या क्षेत्रात तिने आपलं वेगळंपण सिद्ध केलं. तिचं कर्तृत्व अफाट आहे. *धर्म रूढी परंपरा व पुरुषप्रधान संस्कृतीमध्ये ही तिने आपलं कर्तृत्व सिद्ध करून दाखवलं.*

   विशेष कार्य करणाऱ्या उच्च पदस्थ,नोकरदार,शहरातील सुशिक्षित महिलांचा व साहेब वर्गाचा आज सन्मान होईलच पण यांची जाळं-मुळं ग्रामीण भागात आहेत. *मग ती कुणाची आजी,कुणाची आई,मावशी,आत्या,पत्नी,बहीण आहे.जी आजही या सन्मानापासून उपेक्षित आहे.* शेतात,किंवा चार भिंती आड सतत कष्ट करत आहे.तिचा देखील आज सन्मान व्हायलाच हवा.

   *ही ग्रामीण स्त्री धगधगत्या ज्वालांवर संसार मांडते आणि भविष्यातील सुखाचं गणित लेकरांच्या नशिबात पहाते. तिच्या आयुष्यात नेहमीच कष्ट आहेत.पण आपल्या लेकरांना कष्ट पडूनये हेच विचार तिच्या हृदयी आहेत.* घर,घरातील माणसं, शेती,गुरं ढोरं, सारंच ती सांभाळते तरी थकत नाही. कुठून येतं हे बळ ...? कदाचित पिलांसाठी सुख पेरायला ती सज्ज असते कष्ट उपसण्यात. *पण सुखाचा झरा कधीच आटला नाही तिच्या हृदयात.*

   चला तर मग,या जगत जननी,अन्नपूर्णा,ममतेचा सन्मान करूया,,,!!

     *या सर्व मायमाऊलींना फलक रेखाटनातून महिला दिनाच्या आभाळभर शुभेच्छा !!*

  - देव हिरे.(कलाशिक्षक,नूतन माध्यमिक विद्यालय भाटगाव.ता.चांदवड.जि.नाशिक.)